|
O Tai Chi Chuan e o Chi Kung non son só entretidos sistemas
de exercicios físicos baseados nos novementos das antigas artes marciais
chinas; ámbalas dúas modalidades ensinan ós seus practicantes a comprender
as causas que contribúen á aparición de doenzas e enfermidades no ser
humano e a forma de atenua-los seus efectos e previr a súa aparición.
O Tai Chi Chuan e o Chi Kung funden as súas raizames na preocupación
secular do ser humano por preserva-la súa saúde. Practicados na China
dende séculos, a súa ensinanza abrangue aspectos tan diferentes, pero
inseparablemente xunguidos, como a saúde, o exercicio suave e moderado,
o estiramento muscular, a respiración, a relaxación física e mental,
o sono, a alimentación... aspectos todos que, descoidados, fannos enfermar.
10 boas razóns para aprender Tai Chi Chuan ou Chi Kung:
- É moi doado e son excelentes e entretidos pasatempos.
- Mellora o estado xeral de saúde e tamén a capacidade de concentración.
- Os seus exercicios suaves desconectan do estrés diario. Libérase o
exceso de enerxía sen esgotarse. Dúrmese mellor.
- Apréndese a respirar correctamente e exercítase a capacidade para
concentrarse, tomando conciencia do corpo e dun mesmo.
- Practicando Tai Chi Chuan e Chi Kung séntese con máis vitalidade e
enerxía.
- Mellórase o tono muscular xeral, fortalécense as articulacións e incluso
poden eliminarse doenzas comúns das costas.
- Mellórase a elasticidade dos músculos e apréndese a relaxalos.
- Os exercicios moderados do Tai Chi Chuan e Chi Kung están indicados
para xoves e maiores. Non hai perigo de lesións.
- A súa práctica proporciona unha suave automasaxe a músculos e órganos
internos. Mellórase a circulación sanguínea xeral, facendo que ésta
sexa máis efectiva e previndo así a aparición de doenzas circulatorias.
- E ademais tamén... ¡¡¡ está de moda !!!
O Tai Chi Chuan e Chi Kung impártense nun local co chan especialmente
acondicionado, duns 180 m2 e dotado de vestiarios independentes e de
todo tipo de material, e coa garantía dun instructor debidamente preparado
e cualificado.
|
