O 30 de abril de 2012 a empresa Ximnasio Breogán e a área de Innovación Educativa do Instituto O Perdouro asinamos un convenio de colaboración destinado á difusión do Modelo Burela nas actividades desenvolvidas por esta empresa.

Nesa mesma data, unha delegación dos centros educativos de Burela, acompañada polo Secretario Xeral de Política Lingüística do Goberno Galego, visitou as nosas instalacións dentro do programa dunha xornada de dinamización lingüística. No decurso da sesión celebrada no Ximnasio Breogán, a coordinadora da área de innovación educativa do Instituto O Perdouro -a profesora María José Andión Fontela- entregou a Marco Uría un agasallo como recoñecemento ao noso continuado labor cultural.